परभणी: वसंतराव नाईक मराठवाडा कृषी विद्यापीठ (VNMKV), परभणी येथे विविध पदांच्या मोठ्या प्रमाणात भरती निघाली आहे. विद्यापीठाच्या आस्थापनेवरील तब्बल ३६९ रिक्त जागांसाठी प्रकल्पग्रस्त उमेदवारांकडून अर्ज मागविण्यात येत आहेत. ही भरती विशेष सरळसेवा भरती मोहिमेअंतर्गत होणार आहे. त्यामुळे इच्छुक आणि पात्र उमेदवारांसाठी ही एक उत्तम संधी आहे.
कोणकोणत्या पदांसाठी संधी?
या भरतीमध्ये विविध पदांचा समावेश आहे. यात प्रामुख्याने पहारेकरी आणि इतर पदांचा समावेश आहे.
* पहारेकरी: एकूण ६२ जागांसाठी भरती होणार आहे. या पदासाठी अर्ज करणाऱ्या उमेदवारांनी इय्यता ७ वी उत्तीर्ण केलेली असावी. तसेच, त्यांची प्रकृती सुदृढ असणे आवश्यक आहे. माजी सैनिकांना या पदासाठी प्राधान्य दिले जाईल.
* मजूर व तत्सम पदे: यामध्ये मजूर, गुराखी, परिचर, दोग्धा, पशुधन परिचर, पुस्तक वाहक, फराश, सफाई कामगार आणि इतर तत्सम ३०७ पदांचा समावेश आहे. या पदांसाठी उमेदवारांनी इयत्ता ४ थी उत्तीर्ण केलेली असावी. ज्या उमेदवारांना संबंधित क्षेत्रातील कामाचा अनुभव असेल त्यांना प्राधान्य देण्यात येईल.
शैक्षणिक पात्रता काय असेल?
प्रत्येक पदासाठी आवश्यक शैक्षणिक पात्रता वेगळी आहे. पहारेकरी पदासाठी ७ वी उत्तीर्ण आणि इतर पदांसाठी ४ थी उत्तीर्ण असणे आवश्यक आहे. अधिक माहितीसाठी तुम्ही विद्यापीठाच्या कार्यालयात संपर्क साधू शकता.
किती असेल परीक्षा शुल्क?
या भरतीसाठी अर्ज करणाऱ्या उमेदवारांना परीक्षा शुल्क भरावे लागेल. खुल्या (अराखीव) प्रवर्गातील उमेदवारांसाठी परीक्षा शुल्क रु. १०००/- आहे. तर, मागास प्रवर्ग, आर्थिक दृष्ट्या दुर्बळ घटक आणि अनाथ प्रवर्गातील उमेदवारांसाठी परीक्षा शुल्क रु. ९००/- आहे.
अर्ज करण्याची शेवटची तारीख:
या भरतीसाठी अर्ज करण्याची अंतिम तारीख १ ऑगस्ट २०२५ आहे. इच्छुक उमेदवारांनी अंतिम तारखेपूर्वी आपले अर्ज विद्यापीठाच्या कार्यालयात जमा करणे आवश्यक आहे. अर्ज ऑफलाईन पद्धतीने स्वीकारले जाणार आहेत.
अर्ज कुठे पाठवायचा?
उमेदवारांनी विहित नमुन्यातील अर्ज स्वतः विद्यापीठाच्या कार्यालयात जमा करायचा आहे. अर्ज पाठवण्याचा पत्ता खालीलप्रमाणे आहे:
कुलसचिव कार्यालय,
वसंतराव नाईक मराठवाडा कृषी विद्यापीठ,
प्रशासकीय इमारत, परभणी
उमेदवारांनी अर्ज कार्यालयीन वेळेत आवक विभागात जमा करावेत.
Please Like, Comment & Share